മാഞ്ചസ്റ്റർ യുണൈറ്റഡിന്റെ യുവ ഫോർവേഡുകളായ മാർക്കസ് റാഷ്ഫോർഡും ആന്റണി മാർഷ്യലും ക്ലബ് ജേഴ്സിയിൽ 250 മത്സരങ്ങൾ പൂർത്തിയാക്കി. ഇന്നലെ വെസ്റ്റ് ഹാമിനെതിരായ എഫ് എ കപ്പ് പ്രീക്വാർട്ടർ മത്സരത്തിൽ ഇറങ്ങിയതോടെയാണ് റാഷ്ഫോർഡും മാർഷ്യലും 250 മത്സരങ്ങളിൽ എത്തിയത്. അവസാന കുറച്ചു വർഷങ്ങളായി മാഞ്ചസ്റ്റർ യുണൈറ്റഡ് ടീമിലെ ഏറ്റവും പ്രധാനപ്പെട്ട താരങ്ങളാണ് ഈ രണ്ടു യുവതാരങ്ങളും.
മാർഷ്യലിന് ഈ സീസൺ അത്ര മികച്ചതല്ല എങ്കിലും റാഷ്ഫോർഡ് ഈ സീസണിൽ ഇതുവരെ 16 ഗോളുകൾ നേടിയിട്ടുണ്ട്. കഴിഞ്ഞ സീസണിൽ രണ്ടു താരങ്ങളും 20ൽ കൂടുതൽ ഗോളുകൾ നേടിയിരുന്നു. യുണൈറ്റഡിനായി മാർഷ്യൽ ഇതിവരെ 78 ഗോളുകളും 49 അസിസ്റ്റും 250 മത്സരങ്ങളിൽ നിന്നായി നേടി. റാഷ്ഫോർഡ് 83 ഗോളുകളും 51 അസിസ്റ്റും നേടിയിട്ടുണ്ട്.
