മാർക്കസ് ബെറ്റിനെല്ലി ചെൽസിയിൽ കരാർ പുതുക്കി

ഗോൾ കീപ്പർ മാർക്കസ് ബെറ്റിനെല്ലി ചെൽസിയിൽ പുതിയ കരാർ ഒപ്പിട്ടു, സ്റ്റാംഫോർഡ് ബ്രിഡ്ജിൽ 2026 സമ്മർ വരെ ബെറ്റിനെല്ലി തുടരും എന്ന് ഈ കരാർ ഉറപ്പാക്കുന്നു. ഗോൾകീപ്പർ 2021ൽ ആണ് ചെൽസിയിൽ ചേർന്നത്. മുമ്പ് ഫുൾഹാമിൽ ആയിരുന്നു. 10 വർഷങ്ങളോളം ഫുൾഹാമിൽ ആയിരുന്നു.

ലോകത്തിലെ ഏറ്റവും വലിയ ക്ലബ്ബുകളിലൊന്നായ ചെൽസി പോലൊരു ക്ലബിൽ ചേരാൻ കഴിഞ്ഞത് ഒരു പദവിയാണ് എന്നും പുതിയ കരാർ ഒപ്പിടുന്നതിൽ സന്തോഷമുണ്ട് എന്നും ബെറ്റിനെല്ലി പറഞ്ഞു. കഴിഞ്ഞ സീസണിലെ എഫ്‌എ കപ്പിന്റെ മൂന്നാം റൗണ്ടിലാണ് താരം ചെൽസിക്ക് ആയി അരങ്ങേറിയത്. ചെസ്റ്റർഫീൽഡിനെതിരെ സ്റ്റാംഫോർഡ് ബ്രിഡ്ജിൽ നടന്ന ആ മത്സരം മാത്രമെ ഇതുവരെ ബെറ്റിനെല്ലി ചെൽസിക്ക് ആയി കളിച്ചിട്ടുള്ളൂ.