മാഞ്ചസ്റ്റർ യുണൈറ്റഡ് ഇനി അടുത്തതായി പ്രീമിയർ ലീഗിൽ ഇറങ്ങുക ഒരു വലിയ മത്സരത്തിനായാകും. ഇനി ഒക്ടോബറിൽ മാത്രമാണ് യുണൈറ്റഡിന് ലീഗിൽ മത്സരം ഉള്ളത്. ഈ ആഴ്ച നടക്കേണ്ടിയിരുന്ന മാഞ്ചസ്റ്റർ യുണൈറ്റഡും ക്രിസ്റ്റൽ പാലസും തമ്മിലുള്ള മത്സരം നേരത്തെ മാറ്റി വെച്ചിരുന്നു. ഇപ്പോൾ അടുത്ത വാരാന്ത്യത്തിൽ നടക്കേണ്ടിയിരുന്ന ലീഡ്സ് യുണൈറ്റഡുമായുള്ള മത്സരവും മാറ്റിവെക്കപ്പെട്ടിരിക്കുകയാണ്.
മാഞ്ചസ്റ്റർ പോലീസ് ആവശ്യപ്പെട്ടത് കൊണ്ടാണ് ഈ മത്സരം മാറ്റുവെക്കാൻ ക്ലബ് സമ്മതിച്ചത്. എന്നാൽ ഇതിനിടയിൽ നടക്കുന്ന യൂറോപ്പ് ലീഗ് മത്സരം യുണൈറ്റഡ് കളിക്കും. വ്യാഴാഴ്ച ഷെറിഫിനെതിരെ ആണ് മാഞ്ചസ്റ്റർ യുണൈറ്റഡിന്റെ യൂറോപ്പ ലീഗിലെ മത്സരം. ഈ മത്സരത്തിനു ശേഷം താരങ്ങൾ ഇന്റർ നാഷണൽ ബ്രേക്കിന് പോകും. അതു കഴിഞ്ഞ് മടങ്ങി എത്തുമ്പോൾ ഉണ്ടാകുന്ന ആദ്യ മത്സരം മാഞ്ചസ്റ്റർ സിറ്റിക്ക് എതിരെ ആകും. ഒക്ടോബർ 2നാകും മാഞ്ചസ്റ്റർ ഡാർബി നടക്കുക.
