ബ്രെന്റ്‌ഫോർഡ് കമ്മ്യൂണിറ്റി സ്റ്റേഡിയത്തിൽ നടക്കേണ്ട മാഞ്ചസ്റ്റർ യുണൈറ്റഡിന്റെയും ബ്രെന്റ്‌ഫോർഡിന്റെയും പ്രീമിയർ ലീഗ് മത്സരം പുനഃക്രമീകരിച്ചു. ആദ്യം മത്സരം ഡിസംബർ 14 ന് ഷെഡ്യൂൾ ചെയ്‌തിരുന്നുവെങ്കിലും യുണൈറ്റഡ് സ്ക്വാഡിൽ COVID-19 പിടിപെട്ടതിനാൽ മത്സരം മാറ്റി വെക്കുകയായിരുന്നു. പുതിയ ഷെഡ്യൂൾ പ്രകാരം ജനുവരി 19നു ആയിരിക്കും മത്സരം നടക്കുക. ഇന്ത്യൻ സമയം 20നു പുലർച്ചെ 1.30നു ആയിരിക്കും മത്സരം.
1975നു ശേഷം ആദ്യമായിട്ടാണ് മാഞ്ചസ്റ്റർ യുണൈറ്റഡും ബ്രെന്റ്‌ഫോർഡും ഒരു മത്സരത്തിൽ ഏറ്റുമുട്ടന്നത്. കഴിഞ്ഞ സമ്മറിൽ പ്രീ സീസൺ മത്സരത്തിൽ ഇരു ടീമുകളും ഏറ്റുമുട്ടിയിരുന്നു. മത്സരം ഇരു ടീമുകളും രണ്ടു ഗോൾ വീതം നേടി സമനിലയിൽ കലാശിക്കുകയായിരുന്നു.
