ഇന്ന് മാഞ്ചസ്റ്റർ ഡർബി!! തീപാറും

Picsart 23 01 14 02 36 26 314

ഇന്ന് ഇംഗ്ലീഷ് പ്രീമിയർ ലീഗിൽ തീപാറും പോരാട്ടമാണ് നടക്കാൻ പോകുന്നത്. മാഞ്ചസ്റ്റർ ഡാർബിയിൽ മാഞ്ചസ്റ്ററിലെ രണ്ട് വലിയ ക്ലബുകളും നേർക്കുനേർ വരും. ഓൾഡ്ട്രാഫോർഡിൽ ആണ് മത്സരം നടക്കുന്നത്. മാഞ്ചസ്റ്റർ സിറ്റിയുടെ ഹോം ഗ്രൗണ്ട് നടന്ന സീസണിലെ ആദ്യ മാഞ്ചസ്റ്റർ ഡാർബിയിൽ യുണൈറ്റഡ് വലിയ പരാജയം ഏറ്റുവാങ്ങിയിരുന്നു. എന്നാൽ അന്നത്തെ മാഞ്ചസ്റ്റർ യുണൈറ്റഡിൽ നിന്ന് ഏറെ മെച്ചപ്പെട്ട ഒരു യുണൈറ്റഡിനെ ആകും സിറ്റി ഇന്ന് നേരിടുക. ഇന്ന് മാഞ്ചസ്റ്റർ യുണൈറ്റഡ് വിജയിക്കുക ആണെങ്കിൽ സിറ്റിയും യുണൈറ്റഡും തമ്മിലുള്ള പോയിന്റ് വ്യത്യാസം വെറും ഒരു പോയിന്റ് മാത്രം ആകും.

മാഞ്ചസ്റ്റർ 23 01 14 02 36 38 392

മാഞ്ചസ്റ്റർ യുണൈറ്റഡ് ഇന്ന് ഡാലോട്ട്, മാർഷ്യൽ എന്നിവർ ഇല്ലാതെ ആകും ഇറങ്ങുക. മികച്ച ഫോമിൽ ഉള്ള റാഷ്ഫോർഡിൽ ആകും യുണൈറ്റഡ് പ്രതീക്ഷ. വരാനെയും ലിസാൻഡ്രോ മാർട്ടിനസും ഇറങ്ങുന്ന യുണൈറ്റഡ് ഡിഫൻസ് ഹാളണ്ടിനെയും ആൽവാരസിനെയും തടയുമോ എന്ന് കണ്ടറിയണം. കഴിഞ്ഞ മാഞ്ചസ്റ്റർ ഡർബിയിൽ ഹാളണ്ട് ഹാട്രിക്ക് നേടിയിരുന്നു.

മാഞ്ചസ്റ്റർ സിറ്റി അടുത്ത കാലത്തെ അത്ര സ്ഥിരതയുള്ള പ്രകടനമല്ല കാഴ്ചവെക്കുന്നത്. ഇന്ന് പരാജയപ്പെട്ടാൽ കിരീട പോരാട്ടത്തിൽ സിറ്റിക്ക് അത് വലിയ തിരിച്ചടിയാകും. ഇന്ന് രാത്രി 6 മണിക്കാണ് ഡർബി നടക്കുന്നത്.