മാഞ്ചസ്റ്റർ യുണൈറ്റഡ് ലെഫ്റ്റ് ബാക്കായ ലൂക് ഷോ ഇനു ഈ സീസണിൽ കളിക്കില്ല. മസിലിന് ഏറ്റ പരിക്ക് കാരണം അവസാന മത്സരത്തിൽ ലൂക് ഷോ സബ് ആയി പുറത്ത് പോയിരുന്നു. പുതിയ റിപ്പോർട്ട് പ്രകാരം 4 മാസം എങ്കിലും താരം ചുരുങ്ങിയത് പുറത്തിരിക്കും എന്ന് ക്കബ് അറിയിച്ചു. ഇനി അടുത്ത പ്രീസീസണിൽ ആകും ലൂക് ഷോ ക്ലബിനൊപ്പം ചേരുക.
ഈ സീസണിൽ ഇത് രണ്ടാം തവണയാണ് ലൂക് ഷോ ഇത്തരത്തിൽ ഒരു വലിയ പരിക്ക് നേരിടേണ്ടി വരുന്നത്. ലൂക് ഷോയുടെ അഭാവത്തിൽ യുണൈറ്റഡ് എങ്ങനെ പൊരുത്തപ്പെടും എന്ന് കണ്ടറിയണം. യുണൈറ്റഡിന്റെ മറ്റൊരു ലെഫ്റ്റ് ബാക്ക് ആയ ടൈലർ മലാസിയയും പരിക്കേറ്റു ദീർഘകാലമായി പുറത്താണ്. ലൂക് ഷോയുടെ അഭാവത്തിൽ ലിൻഡെലോഫ് ആകും ലെഫ് ബാക്കായി ഇറങ്ങാൻ സാധ്യത.
