മാഞ്ചസ്റ്റർ യുണൈറ്റഡ് ലെഫ്റ്റ് ബാക്കായ ലൂക് ഷോ ഇനി ഈ സീസണിൽ കളിക്കില്ല. മാഞ്ചസ്റ്റർ യുണൈറ്റഡ് പരിശീലകൻ ഒലെ ഗണ്ണാർ സോൾഷ്യാർ തന്നെയാണ് ഷോ കളിക്കില്ല എന്നത് വ്യക്തമാക്കിയത്. കഴിഞ്ഞ ആഴ്ച സൗതാമ്പ്ടണ് എതിരായ മത്സരത്തിൽ പരിക്കേറ്റ ലൂക് ഷോയ്ക്ക് കൂടുതൽ കാലം വിശ്രമം വേണ്ടി വരും. ഇനി അടുത്ത സീസണായുള്ള പ്രീസീസണി മാത്രമേ ലൂക് ഷോ ടീമിനൊപ്പം ചേരുകയുള്ളൂ.
പ്രീമിയർ ലീഗ് സീസൺ കഴിഞ്ഞു എങ്കിലും യൂറോപ്പ ലീഗിൽ മാഞ്ചസ്റ്റർ യുണൈറ്റഡിന് ഇനിയും മത്സരങ്ങൾ ബാക്കിയുണ്ട്. പ്രീക്വാർട്ടറിലെ രണ്ടാം പാദത്തിലും ജർമ്മിനയിൽ വെച്ച് നടക്കുന്ന ബാക്കി മത്സരങ്ങളിലും ലൂക് ഷോ ഉണ്ടായിരിക്കില്ല. ഷോയുടെ അഭാവത്തിൽ ബ്രണ്ടൺ വില്യംസ് ആകും യുണൈറ്റഡിന്റെ ലെഫ്റ്റ് ബാക്ക്.
