ലിവർപൂളിന്റെ ഐക്കോണിക് ജേഴ്സിയായ നമ്പർ 7 ജേഴ്സി ഇനി ലൂയിസ് ഡയസ് അണിയും. 2023-24 സീസൺ മുതൽ ലൂയിസ് ഡയസ് ലിവർപൂളിനായി ഏഴാം നമ്പർ ജേഴ്സി അണിയും എന്ന് ക്ലബ് ഇന്നലെ ഔദ്യോഗിക പ്രസ്താവനയിൽ അറിയിച്ചു. 2022 ജനുവരിയിൽ എഫ്സി പോർട്ടോയിൽ നിന്ന് എത്തിയതിനുശേഷം കൊളംബിയ ഫോർവേഡ് നമ്പർ 23 ജേഴ്സി ആയിരുന്നു ഇതുവരെ അണിഞ്ഞിരുന്നത്.
ഈ സമ്മറിൽ ലിവർപൂൾ വിട്ട ജെയിംസ് മിൽനർ ആയിരുന്നു ഇതുവരെ നമ്പർ 7 ജേഴ്സി അണിഞ്ഞിരുന്നത്. ഇയാൻ കലഹൻ, കെവിൻ കീഗൻ, കെന്നി ഡഗ്ലിഷ് എന്നി ഇതിഹാസങ്ങൾ അണിഞ്ഞിരുന്ന ജേഴ്സിയാണ് ലിവർപൂളിലെ നമ്പർ 7.
