ഇന്റർ നാഷണൽ ബ്രേക്ക് കഴിഞ്ഞ് ഈ ശനിയാഴ്ച മുതൽ മാഞ്ചസ്റ്റർ യുണൈറ്റഡ് വീണ്ടും കളത്തിൽ ഇറങ്ങുകയാണ്. ശനിയാഴ്ച യുണൈറ്റഡ് ബ്രൈറ്റണെ നേരിടുമ്പോൾ അവരുടെ പ്രധാന സെന്റർ ബാക്കായ ലിസാൻഡ്രോ മാർട്ടിനസ് കളിക്കാൻ സാധ്യതയില്ല. ഇന്റർ നാഷണൽ ബ്രേക്കിന് മുമ്പുള്ള ആഴ്സണലിന് എതിരായ മത്സരത്തിൽ ലിസാൻഡ്രോ മാർട്ടിനസിന് പരിക്കേറ്റിരുന്നു. ലിസാൻഡ്രോ പരിക്ക് സാരമല്ല എന്ന നിഗമനത്തിൽ അർജന്റീന ദേശീയ ടീമിനൊപ്പം യാത്ര ചെയ്തു.
എന്നാൽ ദേശീയ ടീമിനൊപ്പം രണ്ടു മത്സരങ്ങളിലും താരം കളിച്ചില്ല. താരത്തിന് വേദന അനുഭവപ്പെട്ടതു കൊണ്ട് സ്കലോണി രണ്ട് മത്സരങ്ങളിലും മാച്ച് സ്ക്വാഡിൽ പോലും അദ്ദേഹത്തെ എടുത്തില്ല. വരാനെ, ലിൻഡെലോഫ് എന്നിവരും മാഞ്ചസ്റ്റർ യുണൈറ്റഡ് ഡിഫൻസിൽ പരിക്കിന്റെ പിടിയിലാണ്. ലിസാൻഡ്രോ കൂടെ ഇല്ലെങ്കിൽ മാഞ്ചസ്റ്റർ യുണൈറ്റഡ് ബ്രൈറ്റണ് എതിരെ മഗ്വയർ-എവാൻസ് കൂട്ടുകെട്ടിനെ ഡിഫൻസിൽ ആശയിക്കേണ്ടി വരും.
