ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് ആശ്വാസ വാർത്ത. സെന്റർ ബാക്ക് ലിസാൻഡ്രോ മാർട്ടിനസ് പരിക്ക് മാറി തിരികെയെത്തി. ഈ മാസം അവസാനം നടക്കുന്ന ബ്രെന്റ്ഫോർഡിന് എതിരായ മത്സരത്തിൽ ലിസാൻഡ്രോ മാർട്ടിനസ് തിരികെയെത്തും. ഇപ്പോൾ അർജന്റീന ദേശീയ ടീമിനൊപ്പം ആണ് മാർട്ടിനസ് ഉള്ളത്.
ലിസാൻഡ്രോയെ ഇന്റർ നാഷണൽ ബ്രേക്കിനുള്ള അർജന്റീന ടീമിൽ ഉൾപ്പെടുത്താൻ സ്കലോണി തീരുമാനിച്ചത് താരം ഫിറ്റ്നസ് വീണ്ടെടുത്തത് കൊണ്ടാണ്. ടീമിനൊപ്പം ഉള്ള ലിസാൻഡ്രോ സബ്ബായി കളത്തിൽ എത്താൻ സാധ്യതയുണ്ട്. കോപ അമേരിക്കയ്ക്ക് മുന്നെയുള്ള അവസാന ഇന്റർ നാഷണൽ ബ്രേക്കാണിത്.
ലിസാൻഡ്രോക്ക് വെസ്റ്റ് ഹാമിനെതിരായ മത്സരത്തിൽ ആയിരുന്നു മുട്ടിന് പരിക്കേറ്റത്. ലിസാൻഡ്രോക്ക് സീസൺ തുടക്കത്തിൽ ദീർഘകാലം പരിക്ക് കാരണം നഷ്ടപ്പെട്ടിരുന്നു. ലിച തിരിച്ചെത്തുന്നത് യുണൈറ്റഡിന് വലിയ ഊർജ്ജം നൽകും.
