മാഞ്ചസ്റ്റർ യുണൈറ്റഡിന്റെ സെന്റർ ബാക്ക് ലിൻഡെലോഫ് ക്ലബിൽ പുതിയ കരാർ ഉടൻ ഒപ്പുവെക്കും. സ്വീഡിഷ് ഡിഫൻഡർക്ക് നാലു വർഷത്തെ പുതിയ കരാറിൽ ആയിരിക്കും ഒപ്പുവെക്കുക. ലിൻഡെലോഫിന്റെ വേതനം ഈ പുതിയ കരാറോടെ ഇരട്ടിയാകും. താൻ മാഞ്ചസ്റ്റർ യുണൈറ്റഡിൽ സന്തോഷവാനാണെന്ന് നേരത്തെ തന്നെ ലിൻഡെലോഫ് പറഞ്ഞിരുന്നു.
മാഞ്ചസ്റ്റർ യുണൈറ്റഡിൽ ലിൻഡെലോഫിന്റെ മൂന്നാം സീസണാണിത്. കഴിഞ്ഞ സീസണിൽ മെച്ചപ്പെട്ട പ്രകടനം കാഴ്ചവെച്ച ലിൻഡെലോഫ് ഈ സീസണിൽ യുണൈറ്റഡിന്റെ പ്രധാന താരമാണ്‌. മഗ്വയർ മാഞ്ചസ്റ്റർ യുണൈറ്റഡിൽ എത്തിയതോടെ യുണൈറ്റഡ് ഡിഫൻസ് അതിശക്തമായിരിക്കുകയാണ്. ലിൻഡെലോഫും മഗ്വയറും പ്രീമിയർ ലീഗിലെ ഏറ്റവും മികച്ച സെന്റർ ബാക്ക് കൂട്ടുക്കെട്ടാകും എന്ന പ്രതീക്ഷയിലാണ് മാഞ്ചസ്റ്റർ യുണൈറ്റഡ് ആരാധകർ.
