മാഞ്ചസ്റ്റർ യുണൈറ്റഡ് യുണൈറ്റഡ് ആരാധകർക്ക് ഏറെ വേദന നൽകുന്ന വാർത്തയാണ് വരുന്നത്. യുണൈറ്റഡ് സെന്റർ ബാക്ക് ആയ ലിസാൻഡ്രോ മാർട്ടിനസ് എന്ന ലിച്ചയുടെ പരിക്ക് സാരമുള്ളത് തന്നെ. ലിച്ച ഇനി ഈ സീണിൽ കളിക്കില്ല എന്നാണ് റിപ്പോർട്ട്. 2-3 മാസം എങ്കിലും താരം പുറത്ത് ഇരിക്കും. ക്ലബിൽ നിന്ന് ഔദ്യോഗിക വിശദീകരണം വന്നില്ല എങ്കിലും ഇനി അടുത്ത പ്രീസീസണിൽ മാത്രമെ ലിസാൻഡ്രോയെ കാണാൻ ആകൂ.
കഴിഞ്ഞ ദിവസം സെവിയ്യക്ക് എതിരായ യൂറോപ്പ ക്വാർട്ടർ ഫൈനലിൽ അവസാന നിമിഷങ്ങളിൽ ആയിരുന്നു ലിച്ചക്ക് പരിക്കേറ്റത്. ലിസാൻഡ്രോ മാത്രമല്ല മാഞ്ചസ്റ്റർ യുണൈറ്റഡ് സെന്റർ ബാക്ക് വരാനെയും പരിക്കേറ്റ് പുറത്താണ്. എഫ് എ കപ്പ് സെമി ഫൈനൽ ഉൾപ്പെടെ വലിയ മത്സരങ്ങൾ മുന്നിൽ ഇരിക്കെ യുണൈറ്റഡ് വലിയ ആശങ്കയിലാണ് ഇപ്പോൾ. മാഞ്ചസ്റ്റർ യുണൈറ്റഡിന്റെ ഈ സീസണിലെ മികച്ച താരങ്ങളിൽ ഒരാളായിരുന്നു ലിസാൻഡ്രോ മാർട്ടിനസ്.
