Local Sports News in Malayalam

വാർ തുണയായി, ബേൺലിക്കെതിരെ ലെസ്റ്ററിന് ജയം

വാർ തുണയായി മത്സരത്തിൽ ബേൺലിക്കെതിരെ ലെസ്റ്റർ സിറ്റിക്ക് ജയം. ഒന്നിനെതിരെ രണ്ട് ഗോളുകളാക്കായിരുന്നു ലെസ്റ്റർ സിറ്റിയുടെ ജയം. മത്സരം അവസാനിക്കാൻ മിനുറ്റുകൾ മാത്രം ബാക്കി നിൽക്കെ ബേൺലി നേടിയ ഗോൾ വാർ നിഷേധിച്ചതാണ് ലെസ്റ്ററിന് തുണയായത്.

ലെസ്റ്ററിനെ ഞെട്ടിച്ചുകൊണ്ട് മത്സരത്തിൽ ബേൺലിയാണ് ആദ്യം ഗോൾ നേടിയത്. മത്സരത്തിന്റെ 26മത്തെ മിനുറ്റിൽ ക്രിസ് വുഡിലൂടെയാണ് ബേൺലി ഗോൾ നേടിയത്. എന്നാൽ ആദ്യ പകുതിയുടെ ഇഞ്ചുറി ടൈമിൽ വാർഡിയിലൂടെ ലെസ്റ്റർ സമനില പിടിച്ചു.  തുടർന്ന് രണ്ടാം പകുതിയിൽ ടിലെമൻസ് ആണ് ലെസ്റ്ററിന് വിജയ ഗോൾ നേടി കൊടുത്തത്.

തുടർന്നാണ് ക്രിസ് വുഡിന്റെ ഗോൾ വാർ നിഷേധിച്ചത്.  ലെസ്റ്റർ താരം ക്രിസ് ഇവൻസിനെ ഫൗൾ ചെയ്തതിനാണ് വാർ ബേൺലിക്ക് ഗോൾ നിഷേധിച്ചത്.

You might also like