ആൻഫീൽഡ് ലീഡ്സിന്റേതായി, പ്രീമിയർ ലീഗിൽ ലിവർപൂൾ വീണ്ടും പതറി

ഇംഗ്ലീഷ് പ്രീമിയർ ലീഗിൽ ഒരിക്കൽ കൂടെ ലിവർപൂൽ എഫ് സിക്ക് കാലിടറി. ഇന്ന് ആൻഫീൽഡിൽ ലീഡ്സ് യുണൈറ്റഡ് അവസാന നിമിഷം നേടിയ ഗോളിൽ ക്ലോപ്പിന്റെ ടീമിനെ പരാജയപ്പെടുത്തി. ഒന്നിനെതിരെ രണ്ടു ഗോളികൾക്കാണ് ലീഡ്സ് ഇന്ന് വിജയിച്ചത്. സമ്മർവിലെയുടെ ഗോളാണ് ലീഡ്സിന് ജയം നൽകിയത്. ലിവർപൂൾ ഈ സീസൺ ലീഗിൽ ഇതാദ്യമായാണ് ആൻഫീൽഡിൽ ഒരു കളി പരാജയപ്പെടുന്നത്.

ലിവർപൂൾ 021306

ഇന്ന് മത്സരത്തിന്റെ തുടക്കത്തിൽ ലിവർപൂൾ ഡിഫൻഡർ വരുത്ത പിഴവ് 3ആം മിനുട്ടിൽ തന്നെ ലീഡ്സിന് ലീഡ് നൽകി. ഗോമസിന്റെ ഒരു ബാക്ക് പാസ് കൈക്കലാക്കി റോഡ്രിഗോ ഒഴിഞ്ഞ പോസ്റ്റിലേക്ക് പന്ത് എത്തിക്കുക ആയിരുന്നു. ഈ ഗോളിന് ആദ്യ പകുതിയിൽ തന്നെ ലിവർപൂൾ പകരം ഗോളടിച്ചു. 14ആം മിനുട്ടിൽ റൊബേർട്സന്റെ ഒരു ക്രോസിൽ നിന്ന് സലാ ആണ് ലിവർപൂളിന് സമനില നൽകിയത്.

ഇതിനു ശേഷം ലിവർപൂൾ ഏറെ അവസരങ്ങൾ സൃഷ്ടിച്ചു. എന്നാൽ എല്ലാ ശ്രമങ്ങളെയും തടയാൻ ലീഡ്സ് കീപ്പർ മെസ്ലിയർക്ക് ആയി. നൂനിയസിന്റെ തന്നെ രണ്ട് ഗംഭീര ഷോട്ടുകൾ ലീഡ്സ് കീപ്പർ തടഞ്ഞു.

20221030 021310

അവസാനം 89ആം മിനുട്ടിൽ പെനാൾട്ടി ബോക്സിൽ വെച്ച് ബ്രാംഫോർഡിൽ നിന്ന് പാസ് സ്വീകരിച്ച് ആയിരുന്നു സമ്മർവിൽ വിജയ ഗോൾ നേടിയത്.

റിലഗേഷൻ സോണിൽ ആയിരുന്ന ലീഡ്സിനെ ഈ വിജയം പതിനഞ്ചാം സ്ഥാനത്തേക്ക് ഉയർത്തി. ലിവർപൂൾ ഒമ്പതാം സ്ഥാനത്താണ് ഉള്ളത്.