ഇംഗ്ലീഷ് പ്രീമിയർ ലീഗിലെ ദയനീയ പ്രകടനം തുടർന്ന് ചെൽസി. പുതിയ പരിശീലകൻ ലമ്പാർഡിന്റെ കീഴിൽ ഇറങ്ങിയ ചെൽസി ഇന്ന് വോൾവ്സിനോടാണ് പരാജയപ്പെട്ടത്. മറുപടിയില്ലാത്ത ഒരു ഗോളിനായിരുന്നു പരാജയം. ലമ്പാർഡ് ടീമിൽ ചെറിയ മാറ്റങ്ങൾ വരുത്തി എങ്കിലും ഇന്ന് ഒന്നും ഫലം കണ്ടില്ല. നൂനസ് നേടിയ ഒരു ലോകോത്തര ഗോളാണ് ഇന്ന് വിജയ ഗോളായി മാറിയത്.
31ആം മിനുട്ടിൽ ആയിരിന്നു അസാധ്യം എന്ന് തോന്നിയ ആങ്കിളിൽ നിന്ന് ഒരു പവർഫുൾ ഷോട്ടിലൂടെ നൂനസ് വല കണ്ടെത്തിയത്‌. താരത്തിന്റെ ആദ്യ പ്രീമിയർ ലീഗ് ഗോളായിരുന്നു ഇത്. മറുപടിയായി ചെൽസിക്ക് നല്ല അവസരങ്ങൾ പോലും സൃഷ്ടിക്കാൻ ആയില്ല. ആകെ ഒരു ഷോട്ട് ഓൺ ടാർഗറ്റ് മാത്രമെ ചെൽസിക്ക് മത്സരത്തിൽ ഉണ്ടായുള്ളൂ.
ഈ പരാജയത്തോടെ ചെൽസി 11ആം സ്ഥാനത്ത് തന്നെ നിൽക്കുകയാണ്‌. 30 മത്സരങ്ങളിൽ നിന്ന് അവർക്ക് 39 പോയിന്റ് ആണുള്ളത്. 31 പോയിന്റുമായി വോൾവ്സ് 12ആം സ്ഥാനത്താണ്‌.
