പരിക്ക് കാന്റെക്കും ലോകകപ്പ് നഷ്ടമാവും

ചെൽസിയുടെ ഫ്രഞ്ച് മധ്യനിര താരം എൻഗോള കാന്റെക്കും ലോകകപ്പ് നഷ്ടമാവും. നിലവിൽ തിരക്കേറിയ മത്സരക്രമം താരങ്ങൾക്ക് വിനയാവുന്നതിനു മറ്റൊരു ഉദാഹരണം ആയി കാന്റെ. പരിക്കേറ്റ 31 കാരനായ താരം 3, 4 മാസം എങ്കിലും പുറത്ത് ഇരിക്കേണ്ടി വരും എന്നാണ് സൂചന.

2018 ൽ ഫ്രാൻസിന് ആയി ലോകകപ്പ് നേടിയ കാന്റെയുടെ അഭാവം ഫ്രാൻസിനും ചെൽസിക്കും വലിയ തിരിച്ചടി തന്നെയാണ്. ഈ സീസൺ അവസാനം ചെൽസിയും ആയുള്ള കരാർ അവസാനിക്കുന്ന കാന്റെക്ക് ചെൽസി പുതിയ കരാർ നൽകില്ല എന്നാണ് നിലവിലെ സൂചന. ഇതിനകം പരിക്ക് കാരണം ലോകകപ്പിൽ പോഗ്ബയും കളിക്കില്ല എന്നാണ് സൂചന. ഈ പരിക്കുകൾ ഫ്രാൻസിന് വലിയ തിരിച്ചടി തന്നെയാണ്.