മാഞ്ചസ്റ്റർ യുണൈറ്റഡിന്റെ സ്പെയിൻ മധ്യനിര താരം ഹുവാൻ മാറ്റയെ ഗാർഡിയൻ പത്രം 2017ലെ ഫുട്ബാളർ ഓഫ് ദി ഇയർ ആയി തിരഞ്ഞെടുത്തു. ഹുവാൻ മാറ്റ മുന്നോട്ടു വെച്ച “കോമൺ ഗോൾ” ചാരിറ്റി സംരംഭം മികച്ച വിജയമായതോടെയാണ് ഗാർഡിയൻ കഴിഞ്ഞ വർഷത്തെ മികച്ച താരമായി മാറ്റയെ തിരഞ്ഞെടുത്തത്.
The Guardian footballer of the year is … Juan Mata. He talks here with @donaldgmcrae https://t.co/9QGl9NQrvY
— Guardian sport (@guardian_sport) January 1, 2018
കഴിഞ്ഞ വേനലവധിയിൽ മുംബൈ സന്ദർശനത്തിനിടെയാണ് മാറ്റ കോമൺ ഗോൾ മുന്നോട്ടു വെച്ചത്, തന്റെ വരുമാനത്തിന്റെ 1% ചാരിറ്റിക്കായി മാറ്റി വെക്കുന്നതായി പറഞ്ഞ മാറ്റ മറ്റ് കളിക്കാരെയും കോമൺ ഗോളിന്റെ ഭാഗമാവാനായി ക്ഷണിച്ചിരുന്നു. തുടർന്ന് 5 മാസത്തിനുള്ളിൽ കാസ്പർ ഷ്മൈക്കിൾ, ചെല്ലിനി, ഹമ്മൽസ്, ഷിൻജി കഗാവ തുടങ്ങി 35ഓളം താരങ്ങൾ കോമൺ ഗോളിൽ അംഗങ്ങളായിരുന്നു.
കോമൺ ഗോളിൽ അംഗങ്ങളായിട്ടുള്ള എല്ലാവരുടെയും പേരിൽ അവാർഡ് സ്വീകരിക്കുന്നതിൽ സന്തോഷമുണ്ടെന്ന് മാറ്റ പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
