ജാക്ക് ഹാരിസൺ ലീഡ്സ് യുണൈറ്റഡുമായി ഒരു പുതിയ കരാർ ഒപ്പിട്ടു. 2028 സമ്മർ വരെ നീണ്ടു നിൽക്കുന്ന അഞ്ച് വർഷത്തെ കരാർ ആണ് 26-കാരൻ ഒപ്പുവെച്ചത്. 2018/19 സീസണ് മുന്നോടിയായി മാഞ്ചസ്റ്റർ സിറ്റിയിൽ നിന്ന് ആയിരുന്നു ഹാരിസൺ ലീഡ്സ് യുണൈറ്റഡിൽ എത്തിയത്.
2019/20 സീസണിൽ ചാമ്പ്യൻഷിപ്പ് കിരീടം നേടാൻ ലീഡ്സിനെ സഹായിക്കാൻ ഹാരിസണായിരുന്നു. ഹാരിസൺ ഇതുവരെ ലീഡ്സിനായി 197 മത്സരങ്ങൾ കളിച്ചു, 33 ഗോളുകൾ നേടി. ഈ സീസണിൽ, അദ്ദേഹം 31 തവണ കളിക്കുകയും അഞ്ച് ഗോളുകൾ നേടുകയും ഒമ്പത് അസിസ്റ്റുകൾ നൽകുകയും ചെയ്തിട്ടുണ്ട്.
