മാഞ്ചസ്റ്റർ യൂണൈറ്റഡിന്റെ പുതിയ താരം ഓഡിയോൻ ഇഗാലോ ടീമിന്റെ സ്‌പെയിൻ ട്രെയിനിങ് ക്യാമ്പിൽ പങ്കെടുക്കില്ല. ചൈനീസ് ക്ലബ്ബിൽ നിന്ന് എത്തിയ താരം ഇനി സ്പെയിനിലേക്ക് പോയി തിരികെ വന്നാൽ ഇംഗ്ലണ്ടിലേക്ക് പ്രവേശനം ലഭിക്കുമോ എന്ന് ഉറപ്പില്ല എന്ന ഭയം കാരണം താരം ഇംഗ്ലണ്ടിൽ തന്നെ തുടരും എന്ന് യൂണൈറ്റഡ് പരിശീലകൻ സോൾശ്യാർ വ്യക്തമാക്കി.
സ്പെയിനിലേക്ക് യാത്ര ചെയ്യുന്നില്ല എങ്കിലും താരം പേഴ്‌സണൽ ട്രെയ്നർമാരുടെ കൂടെ ഇംഗ്ലണ്ടിൽ തന്നെ പരിശീലനം തുടരും എന്ന് സോൾശ്യാർ വ്യക്തമാക്കി. ഈ മാസം 17 ന് ചെൽസിക്ക് എതിരായ മത്സരത്തിന് തയ്യാറെടുക്കാൻ ആണ് യൂണൈറ്റഡ് സ്പെയിനിലേക്ക് പോകുന്നത്.
