എവർട്ടൻ ഡിഫൻഡർ മാസൻ ഹോൾഗേറ്റ് ഈ സീസൺ അവസാനം വരെ ലോണിൽ വെസ്റ്റ് ബ്രോമിൽ കളിക്കും. ചാമ്പ്യൻഷിപ്പ് ക്ലബ്ബായ വെസ്റ്റ് ബ്രോമിൽ കൂടുതൽ കളി സമയം ലക്ഷ്യമിട്ടാണ് താരം ചാമ്പ്യൻഷിപ്പിലേക്ക് മാറുന്നത്. മാർക്കോസ് സിൽവ പരിശീലകൻ ആയി എത്തിയതോടെ താരത്തിന് ഗൂഡിസൻ പാർക്കിൽ തീർത്തും അവസരങ്ങൾ കുറഞ്ഞിരുന്നു.
2015 മുതൽ എവർട്ടൻ താരമായ ഹോൾഗേറ്റ് അവർക്കായി 48 കളികൾ കളിച്ചിട്ടുണ്ട്. 22 വയസുകാരനായ താരം ഇംഗ്ലണ്ട് അണ്ടർ 21 ദേശീയ ടീമിന് വേണ്ടിയും കളിച്ചിട്ടുണ്ട്.
