ഗോൾ അവസരം ഉണ്ടാക്കുന്നതിൽ യാതൊരു മടിയുമില്ലാത്ത മാഞ്ചസ്റ്റർ സിറ്റി താരം കെവിൻ ഡി ബ്രുയിൻ ഇന്ന് ഒരു റെക്കോർഡിനൊപ്പം എത്തി. ഇന്ന് സ്റ്റെർലിംഗിന്റെ ഗോളിനായുള്ള അവസരം ഒരുക്കൊയതോടെ ഈ സീസണിൽ പ്രീമിയർ ലീഗിൽ ഡിബ്രുയിൻ ഒരുക്കിയ അസിസ്റ്റുകളുടെ എണ്ണം 20 ആയി. ഇത് പ്രീമിയൽ ലീഗിൽ ചരിത്രമാണ്. ഒരു താരവും ഇതിന് മുമ്പ് 20ൽ കൂടുതൽ അസിസ്റ്റുകൾ ഒരു പ്രീമിയർ ലീഗ് സീസണിൽ നൽകിയിട്ടില്ല.
ആഴ്സണൽ ഇതിഹാസ താരം തിയറി ഹെൻറിയുടെ റെക്കോർഡിനൊപ്പമാണ് ഇന്ന് ഡി ബ്രുയിൻ എത്തിയത്. 2002.03 സീസണിൽ ആയിരുന്നു ഹെൻറി 20 അസിസ്റ്റുകൾ ഒരു സീസണിൽ ഒരുക്കിയത്. ഡി ബ്രുയിൻ ഇന്ന് രണ്ട് ഗോളുകളും നേടിയിരുന്നു. ഈ രണ്ട് ഗോളുകളോടെ ഡി ബ്രുയിൻ ഈ സീസണിൽ ലീഗിൽ നേടിയ ഗോളുകളുടെ എണ്ണം 13 ആയി.
