മാഞ്ചസ്റ്റർ യുണൈറ്റഡിനെ ഞെട്ടിച്ച് ക്രിസ്റ്റൽ പാലസിന് ഓൾഡ് ട്രാഫോഡിൽ ചരിത്ര ജയം

- Advertisement -

ഒടുവിൽ ക്രിസ്റ്റൽ പാലസിന് മാഞ്ചസ്റ്റർ യുണൈറ്റഡിന്റെ തട്ടകമായ ഓൾഡ് ട്രാഫോഡിൽ ഒരു വിജയം. പ്രീമിയർ ലീഗ് പോരാട്ടത്തിൽ മാഞ്ചസ്റ്റർ യുണൈറ്റഡിനെ അട്ടിമറിച്ചു ക്രിസ്റ്റൽ പാലസ് ഓൾഡ് ട്രാഫോഡിലെ തങ്ങളുടെ 28 വർഷത്തിന് ശേഷമുള്ള ആദ്യ വിജയം നേടി. ഒന്നിനെതിരെ രണ്ടു ഗോളുകൾക്കാണ് പാലസ് യുണൈറ്റഡിനെ തോൽപ്പിച്ചത്.

ആദ്യ പകുതിയിൽ യുണൈറ്റഡിന്റെ പ്രതിരോധത്തിൽ സംഭവിച്ച പിഴവ് മുതലെടുത്തു ജോർദാൻ ആയൂ 31ആം മിനിറ്റിൽ പാലസിന്റെ പട്ടിക തുറന്നു. മധ്യ നിരയിൽ നിന്നും മികച്ച മുന്നേറ്റങ്ങൾ പുറത്തെടുക്കാൻ വിഷമിച്ച യുണൈറ്റഡ് ആദ്യ പകുതിയിൽ തീർത്തും നിറം മങ്ങിയാണ് കളിച്ചത്. മാര്ഷ്യലിനെ വീഴ്ത്തിയതിന് പെനാൽറ്റി അനുവദിക്കാതിരുന്നതും യുണൈറ്റഡിന് തിരിച്ചടിയായി.

രണ്ടാം പകുതിയിൽ മകറ്റാമിനായിയെ വീഴ്ത്തിയതിന് ലഭിച്ച പെനാൽറ്റി റാഷ്‌ഫോർഡ് നഷ്ടപ്പെടുത്തുകയും കൂടെ ചെയ്തതോടെ യുണൈറ്റഡിന്റെ കാര്യം കഷ്ടത്തിലാക്കി. 88ആം മിനിറ്റിൽ ഡാൻ ജെയിംസ് മനോഹരമായ ഒരു ഗോളിലൂടെ യുണൈറ്റഡിനെ ഒപ്പം എത്തിച്ചെങ്കിലും ഇഞ്ചുറി ടൈമിൽ ഒരു ഗോൾ കൂടെ തിരിച്ചടിച്ചു പാലസ് വിജയം സ്വന്തമാക്കി. പാട്രിക് വാൻ അൻഹോളോട് ആണ് ഗോൾ നേടിയത്.

Advertisement