ചാമ്പ്യൻസ് ലീഗിൽ കളിക്കണമെന്ന് ക്രിസ്റ്റ്യൻ എറിക്‌സൺ

Christian Eriksen Brentford

ചാമ്പ്യൻസ് ലീഗിൽ കളിക്കാനുള്ള ആഗ്രഹം പ്രകടിപ്പിച്ച് ബ്രെന്റ്ഫോഡ് താരം ക്രിസ്റ്റ്യൻ എറിക്‌സൺ. ഈ സീസണിന്റെ അവസാനം ബ്രെന്റ്ഫോഡിൽ കരാർ അവസാനിക്കാനിരിക്കെയാണ് ചാമ്പ്യൻസ് ലീഗിൽ കളിക്കാനുള്ള ആഗ്രഹം എറിക്‌സൺ പ്രകടിപ്പിച്ചത്. തനിക്ക് നിലവിൽ കുറച്ച് ഓഫറുകൾ ഉണ്ടെന്നും അതെല്ലാം പരിഗണിച്ച് ഒരു തീരുമാനം എടുക്കുമെന്നും എറിക്‌സൺ പറഞ്ഞു. കഴിഞ്ഞ ജനുവരിയിലാണ് 6 മാസത്തെ കരാറിൽ എറിക്‌സൺ ബ്രെന്റ്ഫോഡിൽ എത്തുന്നത്.

കഴിഞ്ഞ വർഷം നടന്ന യൂറോ കപ്പിൽ ഡെന്മാർക്കിന് വേണ്ടി കളിക്കുന്നതിനിടെ എറിക്‌സൺ ഗ്രൗണ്ടിൽ കുഴഞ്ഞു വീണിരുന്നു. തുടർന്ന് താരത്തിന് ഹൃദയസംബദ്ധമായ അസുഖം ഉണ്ടെന്ന് സ്ഥിരീകരിക്കുകയും സെരി എ ക്ലബായ ഇന്റർ മിലാൻ താരത്തെ റിലീസ് ചെയുകയും ചെയ്തിരുന്നു. അതിന് ശേഷമാണ് കഴിഞ്ഞ ജനുവരിയിൽ ബ്രെന്റ്ഫോഡ് താരത്തെ സ്വന്തമാക്കുന്നത്. ടോട്ടൻഹാം, മാഞ്ചസ്റ്റർ യുണൈറ്റഡ് ക്ലബ്ബുകൾ താരത്തെ സ്വന്തമാക്കാൻ ശ്രമിക്കുന്നു എന്നും വാർത്തകൾ ഉണ്ടായിരുന്നു.

Previous articleമാർക്കിനോസ് ആഴ്സണലിലേക്ക് തന്നെ, 2027വരെയുള്ള കരാർ ഒപ്പുവെക്കും
Next article“സഞ്ജു സാംസൺ മികച്ച ക്യാപ്റ്റൻ, സ്കോർ ഡിഫൻഡ് ചെയ്യുമ്പോൾ ആണ് ക്യാപ്റ്റന്റെ മികവ് കാണുന്നത്” – ഇർഫാൻ