ബ്രണ്ടൺ വില്യംസ് മാഞ്ചസ്റ്റർ യുണൈറ്റഡ് വിടും

മാഞ്ചസ്റ്റർ യുണൈറ്റഡിന്റെ യുവ ഫുൾബാക്ക് ബ്രണ്ടൺ വില്യംസിനെ ക്ലബ് വിടാൻ അനുവദിക്കും. ഈ സീസൺ പ്രീമിയർ ലീഗിൽ നോർവിച് സിറ്റിക്കായി ലോണിൽ കളിച്ച താരം ലോൺ കഴിഞ്ഞ് ക്ലബിലേക്ക് തിരിച്ചെത്തും എങ്കിലും താരത്തെ വിൽക്കാൻ ആണ് ക്ലബ് തീരുമാനിച്ചിരിക്കുന്നത്‌. ബ്രാണ്ടണ് ആദ്യ ഇലവനിൽ അവസരം കിട്ടാൻ സാധ്യത ഇല്ലാത്തതിനാൽ താരത്തിനായി വരുന്ന ഓഫറുകൾ യുണൈറ്റഡ് പരിഗണിക്കും.

മാഞ്ചസ്റ്റർ യുണൈറ്റഡ് ക്ലബിൽ നേരത്തെയും അധികം അവസരം താരത്തിന് ലഭിച്ചിരുന്നില്ല. 22കാരനായ താരം പ്രീമിയർ ലീഗിൽ തന്നെ അവസരം ലഭിക്കും എന്ന പ്രതീക്ഷയിലാകും. യുണൈറ്റഡ് അക്കാദമിയിലൂടെ വളർന്നു വന്ന താരമാണ് ബ്രണ്ടൺ. ഒലെ ഗണ്ണാർ സോൾഷ്യർ ആദ്യം താരത്തിന് അവസരം നൽകിയിരുന്നു എങ്കിലും ടെല്ലസ് കൂടെ ടീമിൽ എത്തിയതോടെ ബ്രാണ്ടൺ പിറകോട്ട് പോവുക ആയിരുന്നു.