ആക്സെൽ തുവെൻസെബെക്കും യുണൈറ്റഡിൽ പുതിയ കരാർ

- Advertisement -

ഇന്ന് ആന്ദ്രേയസ് പെര്യേരയുടെ കരാർ പുതുക്കിയതിനു പുറമെ യുവ ഇംഗ്ലീഷ് ഡിഫൻഡർ അക്സെൽ തുവാൻസെബെയുടെയും കരാർ പുതുക്കി മാഞ്ചസ്റ്റർ യുണൈറ്റഡ്. ആന്ദ്രേയസ് പെര്യേരയുടെ കരാർ പുതുക്കിയ വിവരം പുറത്തുവിട്ടതിനു പിന്നാലെയാണ് അക്സെലിന്റെയും കരാർ പുതുക്കിയ വാർത്ത യുണൈറ്റഡ് പുറത്തുവിട്ടത്. മൂന്നു വർഷത്തെ കരാറിൽ ഒപ്പിച്ച അക്സെൽ 2022 വരെ ക്ലബിൽ തുടരും. ഒരു വർഷത്തേക്ക് കൂടെ കരാർ പുതുക്കാനുള്ള ഉപാധിയും യുണൈറ്റഡിന്റെ പുതിയ കരാറിൽ ഉണ്ട്.

https://twitter.com/ManUtd/status/1147107292351029248?s=19

മാഞ്ചസ്റ്റർ യുണൈറ്റഡിന്റെ അക്കാദമി താരമായ ആക്സെൽ 2017ൽ ആണ് യുണൈറ്റഡിന് വേണ്ടി അരങ്ങേറ്റം കുറിക്കുന്നത്. തുടർന്ന് കഴിഞ്ഞ വർഷം ആസ്റ്റൻ വില്ലയിൽ ലോണടിസ്ഥാനത്തിൽ കളിക്കാൻ പോയ ആക്സെൽ മികച്ച പ്രകടനമായിരുന്നു പുറത്തെടുത്ത്. ആസ്റ്റൻ വില്ലയെ പ്രീമിയർ ലീഗിൽ തിരിച്ചെത്തിക്കുന്നതിൽ നിർണായക പങ്കായിരുന്നു ആക്സെൽ വഹിച്ചത്.

Advertisement