വിമർശകർക്കെതിരെ തുറന്നടിച്ച് ഫ്രഞ്ച് മിഡ്ഫീൽഡർ പോൾ പോഗ്ബ. താൻ മടിയനാണെന്നും പിച്ചിൽ ആത്മാർത്ഥതയില്ലാതെയാണ് കളിക്കുന്നത് എന്നും പറയുന്നവർക്കാണ് പോഗ്ബ മറുപടി കൊടുത്തത്. താൻ ഇങ്ങനെയൊക്കെ കളിച്ചാണ് ഇവിടെ വരെ എത്തിയത് എന്ന് പോഗ്ബ പറഞ്ഞു. ഒരു ലോകകപ്പും ഒരുപാട് കിരീടങ്ങളും ഈ കളി കളിച്ച് തന്നെയാണ് താൻ നേടിയത് എന്നും പോഗ്ബ പറഞ്ഞു.
ഈ ഹെയർ സ്റ്റെയിൽ മാറ്റുന്നത് ഒക്കെ താൻ ചെറുപ്പം മുതൽ ചെയ്യുന്നതാണെന്നും അതൊന്നും ആരെയും ബുദ്ധിമുട്ടിക്കുന്നതല്ല എന്നും പോഗ്ബ പറഞ്ഞു. എല്ലാ വിമർശനങ്ങൾക്കും കാരണം തനിക്കായി ചിലവഴിച്ച തുകയാണ്. അന്ന് അത് റെക്കോർഡ് തുക ആയതു കൊണ്ട് വിമർശനങ്ങളും അതിനൊപ്പം വരികയാണ്. താൻ ഒരു നല്ല പ്രകടനം കാഴ്ചവെച്ചാൽ വരെ മോശം പ്രകടനമായാണ് കണക്കാക്കുന്നത് എന്നും പോഗ്ബ പറഞ്ഞു. ഇനിയും വിമർശനങ്ങൾ തുടർന്നാലും താൻ ഈ രീതിയിലേ കളിക്കൂ എന്നും പോഗ്ബ കൂട്ടിച്ചേർത്തു.
