മാഞ്ചസ്റ്റർ യുണൈറ്റഡ് താരം പോൾ പോഗ്ബ കർണാടകയിൽ ഹിജാബ് വിഷയത്തിൽ പ്രതികരണം നടത്തി. തന്റെ ഇൻസ്റ്റാഗ്രാം സ്റ്റോറിയിലൂടെയാണ് പോഗ്ബ ഹിജാബ് വിഷയത്തിൽ പ്രതികരിച്ചത്. ഇന്ത്യയിൽ ഹിന്ദുത്വവാദികൾ ഹിജാബ് ധരിക്കുന്ന മുസ്ലിം വിദ്യാർത്ഥിനികൾക്ക് എതിരെ തിരിഞ്ഞിരിക്കുകയാണെന്നും അവരുടെ അവകാശങ്ങൾ നിഷേധിക്കുക ആണെന്നും പോൾ പോഗ്ബ പങ്കുവെച്ച് പോസ്റ്റിൽ പറയുന്നു.
മാധ്യമങ്ങൾ അടക്കം സമൂഹം മൗനം പാലിക്കുക ആണെന്നും പോഗ്ബ പങ്കുവെച്ച പോസ്റ്റിൽ പറയുന്നു. ഈ വിഷയത്തിൽ ആദ്യമായാണ് ഒരു വിദേശ ഫുട്ബോൾ താരം അഭിപ്രായം പറയുന്നത്. നേരത്തെ കർഷക സമരത്തിൽ വിദേശ ഗായിക റിയാന്ന അഭിപ്രായം പറഞ്ഞത് വലിയ വിവാദം ആയിരുന്നു. പോഗ്ബയ്ക്ക് എതിരെയും അത്തരം വിമർശനങ്ങൾ ഉയരുന്നുണ്ട്.
