സ്റ്റെഫാനോ പിയോളി ഈ സീസൺ അവസാനത്തോടെ എസി മിലാനിൽ വിടും. മോശം പ്രകടനം കാരണം പിയോളിയെ സീസൺ അവസാനം പുറത്താക്കാൻ ആണ് എ സി മിലാൻ തീരുമാനം എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു. പിയോളിക്ക് പകരക്കാരനായുള്ള അന്വേഷണം മിലാൻ ആരംഭിച്ചു കഴിഞ്ഞു. ലീഗിൽ ഇപ്പോൾ മിലാൻ രണ്ടാം സ്ഥാനത്ത് ഉണ്ടെങ്കിലും അവർ ഒന്നാമതുള്ള ഇന്റർ മിലാനേക്കാൾ ഏറെ പിറകിലാണ്.
2025 വരെ മിലാനിൽ പിയോളിക്ക് കരാർ ഉണ്ട്. പക്ഷെ അതുവരെ മിലാൻ കാത്തു നിൽക്കില്ല. 2019ലാണ് പിയോളി മിലാനിൽ എത്തുന്നത്. 20 അധികം മത്സരങ്ങളിൽ ഇതുവരെ ടീമിന് തന്ത്രങ്ങൾ ഓതി. ഒരു ദശകത്തിന് ശേഷം മിലാനെ ഇറ്റാലിയൻ ചാമ്പ്യന്മാർ ആക്കാനും പിയോളിക്ക് ആയിരുന്നു.
