ബ്രൈറ്റൺ ആൻഡ് ഹോവ് അൽബിയോൺ ഫുട്ബോൾ ക്ലബ് ഒരു യുവതാരത്തെ കൂടെ സ്വന്തമാക്കി. ബ്രസീലിയൻ സ്ട്രൈക്കർ ജോവോ പെഡ്രോയെ ആണ് വാറ്റ്ഫോർഡിൽ നിന്ന് ബ്രൈറ്റൺ ടീമിലേക്ക് എത്തിക്കുന്നത്.
ഇരു ക്ലബുകളും തമ്മിൽ ധാരണയായിട്ടുണ്ടെന്നും കരാർ ഒപ്പുവെച്ചു എന്നും ഫബ്രിസിയോ റൊമാനോ റിപ്പോർട്ട് ചെയ്യുന്നു. 30 മില്യൺ ആണ് ട്രാൻസ്ഫർ തുക. താമസിയാതെ ഈ നീക്കത്തിന്റെ ഔദ്യോഗിക പ്രഖ്യാപനം വരും.
21കാരനായ ജോവോ പെഡ്രോ വാറ്റ്ഫോർഡിനായി അവസാന സീസണുകളിൽ മികച്ച പ്രകടനം കാഴ്ചവെച്ചിട്ടുണ്ട്. 2020ൽ ആയിരുന്നു താരം വാറ്റ്ഫോർഡിൽ എത്തിയത്. അതിനു മുമ്പ് 10 വർഷങ്ങളോളം ഫ്ലുമിനെൻസ് ക്ലബിൽ ആയിരുന്നു. ലിവർപൂൾ മധ്യനിര താരം മിൽനറിനെയും ബ്രൈറ്റൺ ഉടൻ സ്വന്തമാക്കും.
