അർജന്റീനക്ക് അവരുടെ ലക്ഷ്യത്തിലേക്ക് എത്താൻ ഒരു സ്റ്റെപ് കൂടെ ബാക്കി ഉണ്ട് എന്ന് അർജന്റീന പരിശീലകൻ സ്കലോണി. ക്രൊയേഷ്യക്ക് എതിരെയുള്ള വിജയം വലിയ വിജയമാണെന്നും സ്കലോണി പറയുന്നു.
ഞങ്ങൾ ഇതിനേക്കാൾ മികച്ച മത്സരങ്ങൾ കളിച്ചിട്ടുണ്ടെന്ന് കരുതുന്നു. പക്ഷെ എതിരാളികൾക്ഷാരെന്നതും ഈ സന്ദർഭവും ഈ വിജയത്തെ കൂടുതൽ വലുതാക്കുന്നു. സ്കലോണി പറഞ്ഞു. ഈ ടീമിനെതിരെ കളിക്കുന്നത് എളുപ്പമല്ല, അവർ ലോകകപ്പിലെ നിലവിലെ റണ്ണറപ്പാണ്, ”സ്കലോനി ഓർമ്മിപ്പിക്കുന്നു.
അർജന്റീന ടീമിനെ സംബന്ധിച്ചെടുത്തോളം ആസ്വദിക്കാനുള്ള സമയമാണിതെന്നും എന്നാൽ ലോകകപ്പ് യാത്രയിൽ ഇനിയും ഒരു ചുവട് കൂടി ബാക്കിയുണ്ടെന്ന് മനസ്സിലാക്കണം എന്നും അർജന്റീനൻ കോച്ച് പറഞ്ഞു.
ഞങ്ങൾ ആഘോഷിക്കുകയാണ്, കാരണം ഇത് വളരെ ആവേശകരമായ നിമിഷമാണ്, പക്ഷേ ഇനിയും ഒരു ചുവട് ബാക്കിയുണ്ട്. എന്താണ് മുന്നിൽ ഉള്ളത് എന്ന് ഞങ്ങൾ ഇതിനകം തന്നെ ചിന്തിക്കേണ്ടതുണ്ട്. സ്കലോനി കൂട്ടിച്ചേർത്തു
