ആക്രമണനിര ശക്തിപ്പെടുത്തുന്നതിനുള്ള നീക്കങ്ങളുമായി നാപോളി വീണ്ടും പ്രീമിയർ ലീഗിലേക്ക്. ചെൽസി വിങ്ങർ റഹീം സ്റ്റെർലിംഗിനെ സ്വന്തമാക്കുന്നത് നാപോളി പരിഗണിക്കുന്നുണ്ട് എന്നാണ് റിപ്പോർട്ടുകൾ. ഡിസംബറിൽ 30 വയസ്സ് തികയുന്ന ഈ ഇംഗ്ലണ്ട് താരം ബൊളോണയുടെ ഡാൻ എൻഡോയെ സ്വന്തമാക്കാൻ ആയില്ലെങ്കിൽ മാത്രമെ നാപ്പോളി പരിഗണിക്കുകയുള്ളൂ.
എൻഡോക്ക് ആയി 40 ദശലക്ഷം യൂറോ ആണ് ചോദിക്കുന്നത്. അതുകൊണ്ട് ട്രാൻസ്ഫർ ചർച്ചകൾ ഇപ്പോൾ വഴിമുട്ടിയിരിക്കുകയാണ്‌. 2027 വരെ ചെൽസിയുമായി കരാറുള്ള സ്റ്റെർലിംഗ്, 2024-25 സീസണിൽ ആഴ്സണലിൽ ലോണിൽ കളിച്ചെങ്കിലും കാര്യമായ സ്വാധീനം ചെലുത്താനായില്ല. എല്ലാ മത്സരങ്ങളിലുമായി ആകെ 28 മത്സരങ്ങളിൽ നിന്ന് 13 മത്സരങ്ങളിൽ മാത്രമാണ് അദ്ദേഹം ആദ്യ ഇലവനിൽ ഇടം നേടിയത്. ഒരു ഗോളും അഞ്ച് അസിസ്റ്റുകളും മാത്രമാണ് അദ്ദേഹത്തിന്റെ സംഭാവന.
