തന്റെ ഗോളായിരുന്നു മികച്ചതെന്ന് ക്രിസ്റ്റ്യാനോ റൊണാൾഡോ

Staff Reporter

Download the Fanport app now!
Appstore Badge
Google Play Badge 1

ചാമ്പ്യൻസ് ലീഗിൽ യുവന്റസിന് എതിരെ താൻ നേടിയ ഗോളായിരുന്നു ഏറ്റവും മനോഹരമെന്ന് യുവന്റസ് താരം ക്രിസ്റ്റ്യാനോ റൊണാൾഡോ. സലക്ക് പുസ്കാസ് അവാർഡ് നൽകിയതിനെ പറ്റി ചോദിച്ചപ്പോഴാണ് താരം തന്റെ അഭിപ്രായം പങ്കു വെച്ചത്. എന്നാൽ സല അവാർഡ് അർഹിക്കുണ്ടെന്നും സല നേടിയത് മികച്ച ഗോളാണെന്നും റൊണാൾഡോ പറഞ്ഞു.

പുസ്കാസ് അവാർഡ് നേടാത്തതിൽ താൻ നിരാശനല്ലെന്നും ജീവിതത്തിൽ ചില സമയത്ത് ജയിക്കുകയും ചില സമയത്ത് പരാജയപെടുകയും ചെയ്യുമെന്നും റൊണാൾഡോ പറഞ്ഞു. 15 വർഷത്തെ ഫുട്ബോൾ ജീവിതത്തിൽ താൻ പ്രാധാന്യം കൊടുക്കുന്നത് ഓരോ തലത്തിലുള്ള പ്രകടനം നടത്തുന്നതിലാണെന്ന് റൊണാൾഡോ പറഞ്ഞു.

യുവന്റസിനെതിരെ ക്രിസ്റ്റ്യാനോ റൊണാൾഡോനേടിയ ഗോളിനെയും ഫൈനലിൽ ഗാരെത് ബെയ്ൽ നേടിയ ഗോളിനെയും മറികടന്നാണ് എവർട്ടണെതിരെ മുഹമ്മദ് സല നേടിയ ഗോൾ മികച്ച ഗോളായി തിരഞ്ഞെടുക്കപ്പെട്ടത്.