ചെൽസി വിട്ടതോടെ മൊറാത്തയുടെ കളി മെച്ചപ്പെട്ടു- എൻറികെ

ചെൽസിയിൽ നിന്ന് അത്ലറ്റികോ മാഡ്രിഡിലേക് മാറിയതോടെ ആൽവാരോ മൊറാത്തയുടെ കളി ഏറെ മെച്ചപ്പെട്ടിട്ടുണ്ടെന്ന് സ്‌പെയിൻ പരിശീലകൻ ലൂയിസ് എൻറികെ. ഈ ജനുവരിയിലാണ് ചെൽസിയിൽ നിന്ന് മാറി താരം അത്ലറ്റികോ മാഡ്രിഡിലേക്ക് എത്തിയത്. ചെൽസിയിൽ തീർത്തും നിറം മങ്ങിയ താരം സ്‌പെയിനിൽ ബേധപെട്ട പ്രകടനമാണ്‌ നടത്തുന്നത്.

നോർവേക്ക് എതിരായ സ്‌പെയിനിന്റെ മത്സര ശേഷമാണ് എൻറികെ തന്റെ സ്‌ട്രൈക്കറുടെ പ്രകടനത്തെ കുറിച്ചുള്ള വിലയിരുത്തൽ നടത്തിയത്. ചെൽസിയിൽ കളിക്കുമ്പോൾ ദേശീയ ടീമിലേക് എത്തിയിരുന്ന മൊറാത്തയെക്കാൾ എത്രയോ മികച്ച രീതിയിലാണ് താരം ഇപ്പോൾ ടീമിൽ എത്തുന്നത്, ആത്മവിശ്വാസം കൂടിയ താരം ഇപ്പോൾ തന്റെ തീരുമാനങ്ങളിലും വ്യക്തത പുലർത്തുന്നുണ്ട് എന്നാണ് സ്പാനിഷ് പരിശീലകന്റെ പക്ഷം.