ട്രാൻസ്ഫർ വിദഗ്ധൻ ഫാബ്രിസിയോ റോമാനോയുടെ റിപ്പോർട്ടുകൾ പ്രകാരം, ഫ്രീ ഏജൻ്റായ വെറ്ററൻ മിഡ്ഫീൽഡർ ലൂക്കാ മോഡ്രിച്ച് ഇനി എസി മിലാൽ ജേഴ്സി അണിയും. താരം മിലാനുമായി കരാർ ധാരണയിൽ എത്തി. വരും ആഴ്ചയിൽ കരാറിന്റെ അടുത്ത നടപടിയിലേക്ക് കടക്കും.
39 കാരനായ ക്രൊയേഷ്യൻ ഇതിഹാസത്തിൻ്റെ റയൽ മാഡ്രിഡിലെ 13 വർഷത്തെ തിളക്കമാർന്ന കരിയറിന് അവസാനമായതിന് പിന്നാലെ, മിലാൻ്റെ പുതിയ സ്പോർട്ടിംഗ് ഡയറക്ടർ ഇഗ്ലി ടാരെ താരത്തെ സമീപിച്ചതായി റിപ്പോർട്ടുകൾ ഉണ്ടായിരുന്നു.
പരിശീലകൻ മാക്സ് അല്ലെഗ്രിയുടെ കീഴിൽ വലിയ മാറ്റങ്ങൾ ലക്ഷ്യമിടുന്ന മിലാന് മോഡ്രിച്ചിന്റെ വരവ് കരുത്തേകും. ഇൻ്റർ മിയാമി, അൽ-നാസർ ക്ലബ്ബുകളും താരത്തിൽ താൽപ്പര്യം കാണിച്ചിരുന്നു. മിലാനിൽ ഒരു വർഷത്തെ കരാർ ആകും മോഡ്രിച് ഒപ്പുവെക്കുക.
