വെയ്ൻ റൂണിക്ക് അമേരിക്കയിൽ ആദ്യ ഗോൾ

- Advertisement -

മേജർ ലീഗ് സോക്കറിൽ വെയ്ൻ റൂണി തന്റെ ആദ്യ ഗോൾ നേടി. ഇന്ന് പുലർച്ചെ നടന്ന മത്സരത്തിലാണ് റൂണി തന്റെ പുതിയ ക്ലബായ ഡി സി യുണൈറ്റഡിന് വേണ്ടി ഗോൾ കണ്ടെത്തിയത്. ക്യാപ്റ്റൻ ആം ബാൻഡ് അണിഞ്ഞ് ഡി സി യുണൈറ്റഡിനായി റൂണി ഇറങ്ങിയ ആദ്യ മത്സരമായിരുന്നു ഇത്. കൊളരാഡോ റാപിഡ്സിനെ നേരിട്ട ഡി സി യുണൈറ്റഡ് ഒന്നിനെതിരെ രണ്ട് ഗോളുകൾക്കാണ് ഇന്ന് വിജയിച്ചത്.

90ആ മിനുട്ടിൽ ഒരു സെൽഫ് ഗോളിലൂടെ ആയിരുന്നു ഡി സി യുണൈറ്റഡ് ജയം ഉറപ്പിച്ചത്. റൂണി എത്തിയതിന് ശേഷമുള്ള ഡി സിയുടെ രണ്ടാം ജയമാണിത്. പക്ഷെ ഇപ്പോഴും ലീഗിൽ അവസാന സ്ഥാനത്താണ് ഡി സി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement