ഫ്രഞ്ച് ഇതിഹാസ താരം തിയറി ഹെൻറി കാനഡ ക്ലബായ മോണ്ട് റിയലിന്റെ പരിശീലക സ്ഥാനം ഒഴിഞ്ഞു. മേജർ ലീഗ് സോക്കർ ക്ലബായ ഇമ്പാക്ട് മോണ്ട്റിയലിന്റെ പരിശീലകനായി 2019 അവസാനമായിരുന്നു ഹെൻറി എത്തിയത്.. അദ്ദേഹം രണ്ട് വർഷത്തെ കരാർ ക്ലബുമായി ഒപ്പുവെച്ചിരുന്നു. എന്നാൽ വ്യക്തിപരമായ കാരണങ്ങൾ പറഞ്ഞാൻ ഹെൻറി ഇപ്പോൾ ക്ലബ് വിടുന്നത്.
കൊറോണ കാരണം കുടുംബത്തെ വിട്ടു നിൽക്കേണ്ടി വന്നത് തന്നെ മാനസികമായി അലട്ടുന്നു എന്നും കുടുംബത്തോടൊപ്പം സമയം ചിലവഴിക്കേണ്ടതു കൊണ്ടാണ് പരിശീലക സ്ഥാനം ഒഴിയുന്നത് എന്നും ഹെൻറി പറഞ്ഞു. മുമ്പ് ഫ്രഞ്ച് ക്ലബായ മൊണാക്കോയിലും ഹെൻറി പരിശീലകനായി പ്രവർത്തിച്ചിട്ടുണ്ട്. ആഴ്സണൽ ബാഴ്സലോണ തുടങ്ങിയ ക്ലബുകൾക്കായി തകർത്തു കളിച്ചിട്ടുള്ള താരം ഇനി ഇംഗ്ലീഷ് ഫുട്ബോളിൽ ആകും പരിശീലകനായി അവസരം തേടുക.
