അമേരിക്കയിലെ ഫുട്ബോൾ ലീഗായ മേജർ ലീഗ് സോക്കറിനെതിരെ കടുത്ത വിമർശനവുമായി ഇബ്രാഹിമോവിച്. ഐ എസ് എലിന് സമാനമായ പ്ലേ ഓഫ് രീതിയിലാണ് എം എൽ എസിലും ലീഗ് നടക്കുന്നത്. പ്ലെ ഓഫ് സിസ്റ്റം ലീഗിനെ മോശമാക്കുന്നു എന്നും ലീകെ ദുരന്തമാണെന്നും ഇബ്രാഹിമോവിച് പറഞ്ഞു. താരങ്ങളെയും ലീഗിനെയും ഈ സിസ്റ്റം പിറകോട്ട് കൊണ്ടു പോകുന്നു എന്നും ഇബ്ര പറഞ്ഞു.
ലീഗിൽ ആദ്യ ഏഴു സ്ഥാനങ്ങളിൽ എത്തിയാൽ പ്ലേ ഓഫിൽ എത്താം. പിന്നെ എന്തിനാണ് താരങ്ങൾ അവരുടെ നൂറു ശതമാനം നൽകുക എന്ന് ഇബ്ര ചോദിക്കുന്നു. ഈ പ്ലേ ഓഫ് സിസ്റ്റം മാറാതെ ഇവിടെ ലീഗ് മെച്ചപ്പെടില്ല എന്നും ഇബ്ര പറഞ്ഞു. ഇപ്പോൾ എൽ എ ഗാലക്സിയുടെ താരമാണ് ഇബ്രാഹിമോവിച്. താരത്തിനെതിരെ ലീഗ് അധികൃതർ നടപടിയെടുക്കാൻ സാധ്യതയുണ്ട്. ഇന്ത്യയിലെ പോലെ റിലഗേഷനും പ്രൊമോഷനും അമേരിക്കയിൽ ഇല്ല. ഇത് അമേരിക്കൻ ഫുട്ബോളിനെ പുറകോട്ട് വലിക്കുന്നു എന്നാണ് പൊതുവെയുള്ള വിമർശനം.
