അമേരിക്കൻ ക്ലബായ എൽ എ ഗാലക്സിയിൽ എത്തിയ ശേഷം ആദ്യമായി മെക്സിക്കൻ താരം ഹവിയർ ഹെർണാണ്ടസ് എന്ന ചിചാരിറ്റോ ഗോൾ കണ്ടെത്തി. എന്നിട്ടും ചിചാരിറ്റോയുടെ ടീമായ എൽ എ ഗാലക്സിക്ക് വിജയിക്കാൻ ആയില്ല. ഇന്ന് നടന്ന മത്സരത്തിൽ പോർട്ലാന്റ് ടിമ്പേഴ്സിനെ നേരിട്ട എൽ എ ഗാലക്സി ഒന്നിനെതിരെ രണ്ട് ഗോളുകളുടെ പരാജയമാണ് ഏറ്റുവാങ്ങിയത്.
ചിചാരിറ്റോ ഒരു ഗോൾ നേടിയെങ്കിലും മത്സരത്തിന്റെ തുടക്കത്തിൽ അദ്ദേഹം നഷ്ടപ്പെടുത്തിയ പെനാൾട്ടി തന്നെയാണ് ഗാലക്സിക്ക് വിനയായത്. മത്സരത്തിന്റെ 12ആം മിനുട്ടിൽ കിട്ടിയ പെനാൾട്ടിയാണ് നഷ്ടപ്പെടുത്തിയത്. പിന്നീട് രണ്ടാം പകുതിയിൽ ജെർമിയും ബ്ലാങ്കോയും നേടിയ ഗോളുകളിൽ പോർട്ലാന്റ് 2 ഗോളിന് മുന്നിൽ എത്തി. മത്സരത്തിന്റെ അവസാന നിമിഷത്തിൽ ആണ് ചിചാരിറ്റോ ഗോൾ നേടിയത്. അപ്പോഴേക്ക് പരാജയം ഉറപ്പായിരുന്നു.
