“എമ്പപ്പെയ്ക്ക് ഒപ്പം കളിക്കാൻ ഏത് ഫുട്ബോൾ താരവും ആഗ്രഹിക്കും” – മോഡ്രിച്

റയൽ മാഡ്രിഡിലേക്ക് കൈലിയൻ എംബാപ്പെ എത്തും എന്ന അഭ്യൂഹങ്ങൾക്ക് ഇടയിൽ താൻ എമ്പപ്പെയ്ക്ക് ഒപ്പം കളിക്കാൻ ആഗ്രഹിക്കുന്നു എന്ന് റയൽ മാഡ്രിഡ് മിഡ്ഫീൽഡർ മോഡ്രിച് പറഞ്ഞു. ആരും എമ്പപ്പെയെ പോലൊരു താരത്തിനൊപ്പം കളിക്കാൻ ആഗ്രഹിക്കും എന്നും മോഡ്രിച് പറഞ്ഞു. പി എസ് ജിയെ ചാമ്പ്യൻസ് ലീഗ് രണ്ടാം പാദത്തിൽ നേരിടാൻ ഒരുങ്ങുന്നതിന് മുന്നോടിയായി സംസാരിക്കുക ആയിരുന്നു മോഡ്രിച്.

“ഞങ്ങൾ എല്ലാവരും മികച്ച കളിക്കാരുമായി കളിക്കാൻ ആഗ്രഹിക്കുന്നു, വ്യക്തമായും കൈലിയൻ അത്തരത്തിലൊരാളാണ്” മോഡ്രിച്ച് പറഞ്ഞു.

“തീർച്ചയായും എന്റെ ടീമിൽ അവനോടൊപ്പം കളിക്കാൻ ഞാൻ ആഗ്രഹിക്കുന്നു, പക്ഷേ എന്താണ് സംഭവിക്കുന്നതെന്ന് നമുക്ക് നോക്കാം. അവൻ പാരീസിനായി കളിക്കുന്നു. ഞങ്ങളെ സംബന്ധിച്ചിടത്തോളം ഇവിടെ ഇല്ലാത്ത കളിക്കാരെക്കുറിച്ച് സംസാരിക്കുന്നത് വളരെ ബുദ്ധിമുട്ടാണ് -തീർച്ചയായും എമ്പപ്പയോടൊപ്പം കളിക്കാൻ ആഗ്രഹിക്കാത്ത ഒരു കളിക്കാരൻ നിലവിലുണ്ടെന്ന് ഞാൻ കരുതുന്നില്ല.” മോഡ്രിച് പറഞ്ഞു.