ലോക ഫുട്ബോളിലെ അടുത്ത സൂപ്പർ സ്റ്റാറുകൾ എന്ന് കരുതപ്പെടുന്ന എംബപ്പെക്കും ഹാളണ്ടിനും റൊണാൾഡോയും മെസ്സിയും നേടിയ പോലൊരു കരിയർ നേടാൻ ആകില്ല എന്ന് വെയ്ൻ റൂണി. ഹാലൻഡും എംബാപ്പെയും തന്നെയാണ് തീർച്ചയായും ഫുട്ബോളിലെ അടുത്ത രണ്ട് സൂപ്പർ സ്റ്റാർസ്. ഇപ്പോൾ അവർ മെസ്സിയെക്കാളും റൊണാൾഡോയെക്കാളും മികച്ചവരായിരിക്കാം. പക്ഷേ അവർക്ക് മെസ്സിയും റൊണാൾഡോയും നേടിയ കരിയർ നേടാൻ ആകില്ല. റൂണി പറഞ്ഞു.
ഫുട്ബോൾ ലോകത്ത് മെസ്സിയും റൊണാൾഡോയും ചെയ്‌തത് വളരെ അത്ഭുതകരമായ കാര്യങ്ങളാണ്. മെസ്സിക്കും റൊണാൾഡോയ്ക്കും ഒരേ സമയം ഒരേ ലീഗിൽ ഇത് ചെയ്യാനു കഴിഞ്ഞു. ഞങ്ങൾക്ക് അതുപോലൊന്ന് വീണ്ടും കാണുമെന്ന് ഞാൻ കരുതുന്നില്ല. റൂണി പറഞ്ഞു. എംബപ്പെയും ഹാളണ്ടും വ്യക്തിഗത മികവുള്ളവരാണെന്നും അവർക്ക് ദീർഘകാലം ഈ മികവ് തുടരാൻ ആകുമോ എന്ന് കാണേണ്ടതുണ്ട് എന്നുൻ അദ്ദേഹം പറഞ്ഞു.
