യുവ സ്ട്രൈക്ലർ എംബപ്പെ തന്റെ 24ആം വയസ്സിൽ തന്നെ ഫ്രാൻസിന്റെ ക്യാപ്റ്റൻസി ഏറ്റെടുത്തേക്കും. എംബപ്പെ ആകും ഫ്രാൻസിന്റെ അടുത്ത ക്യാപ്റ്റൻ എന്ന് ഗെറ്റ് ഫ്രഞ്ച് ഫുട്ബോൾ ന്യൂസ് റിപ്പോർട്ട് ചെയ്യുന്നു. ഹ്യൂഗോ ലോറിസ് ആയിരുന്നു ദീർഘകാലമായി ഫ്രാൻസിന്റ്സ് ക്യാപ്റ്റൻ. എന്നാൽ ലോകകപ്പ്ഫൈനലോടെ ലോരിസ് വിരമിക്കാൻ തീരുമാനിച്ചിരുന്നു. ഇന്ന് വരാനെ കൂടെ അന്തർ ദേശീയ ഫുട്ബോളിൽ നിന്ന് വിരമിച്ചതോടെയാണ് ക്യാപ്റ്റൻസി എംബപ്പെയിലേക്ക് തന്നെ എത്തും എന്ന് ഏതാണ്ട് ഉറപ്പായത്.
സ്റ്റീവ് മന്ദണ്ട (37), കരിം ബെൻസെമ (34) എന്നിവരും ക്യാപ്റ്റൻസിക്ക് നേരത്തെ പരിഗണിക്കപ്പെട്ടിരുന്നു എങ്കിലും ഇരുവരും വിരമിക്കാൻ തീരുമാനിച്ചിരുന്നു. സ്ട്രൈക്കറായ ജിറൂദും വിരമിക്കുന്നതിനെ കുറിച്ചുള്ള ആലോചനയിലാണ്. എംബപ്പെയെ ഇപ്പോൾ ക്യാപ്റ്റൻ ആക്കിയാൽ ലോരിസിനെ പോലെ ദീർഘകാലം ഫ്രാൻസിന് ഒരു ക്യാപ്റ്റനെ കിട്ടും എന്നും അധികൃതർ ആലോചിക്കുന്നു.
