മെക്സിക്കോയിൽ മറഡോണക്ക് വിജയത്തുടക്കം

- Advertisement -

മെക്സിക്കോയിൽ പരിശീലകനായി ഇറങ്ങിയ ആദ്യ മത്സരത്തിൽ മികച്ച വിജയം സ്വന്തമാക്കി മറഡോണ. മറഡോണയുടെ ടീമായ ഡോറാഡോസ് എതിരാളികളായ ടാപാച്ചൂളയെ ഒന്നിനെതിരെ നാല് ഗോളുകൾക്ക് തോൽപ്പിച്ചത്. 7 മത്സരങ്ങൾ കളിച്ച ഈ സീസണിലെ ഡോറാഡോസിന്റെ ആദ്യ വിജയം കൂടിയായിരുന്നു ഇത്.

ഡോറാഡോസിനു വേണ്ടി ഹാട്രിക് നേടിയ വിനിസിയോ അംഗുലോയുടെ പ്രകടനമാണ് മറഡോണയുടെ ആദ്യ മത്സരത്തിൽ വിജയം എളുപ്പമാക്കിയത്. ഡോറാഡോസിന്റെ നാലാമത്തെ ഗോൾ അലോൺസോ എസ്കോബോസയാണ് നേടിയത്.  മത്സരത്തിന് ശേഷം ഡോറാഡോസ് താരങ്ങളോടും ആരാധകരോടും ഒപ്പം വൈക്കിംഗ് ക്ലാപ് നടത്തിയാണ് മറഡോണ കളം വിട്ടത്.

യു.എ.ഇ ക്ലബായ ഫുജൈറ എഫ്.സിയിൽ നിന്ന് വിട്ടതിനു ശേഷമാണു മറഡോണ മെക്സിക്കൻ ക്ലബ്ബിന്റെ ചുമതലയേറ്റെടുത്തത്.

Advertisement