വനിതാ സൂപ്പർ ലീഗ് കിരീട പോരാട്ടം അവസാന മത്സരം വരെ നീളും. ഇന്ന് നടന്ന മത്സരത്തിൽ മാഞ്ചസ്റ്റർ സിറ്റിയെ മാഞ്ചസ്റ്റർ യുണൈറ്റഡ് പരാജയപ്പെടുത്തിയതെ അവർ ഒന്നാമതുള്ള ചെൽസിക്ക് തൊട്ടടുത്ത് എത്തി. ഇന്ന് മാഞ്ചസ്റ്റർ യുണൈറ്റഡ് ഒന്നിനെതിരെ രണ്ടു ഗോളുകൾക്കാണ് വിജയിച്ചത്. രണ്ടാം മിനുട്ടിൽ ഹെയ്ലൊ ലെഡ് നേടിയ ഗോൾ യുണൈറ്റഡിന് ലീഡ് നൽകി. എന്നാൽ പിന്നീട് സിറ്റി തിരിച്ചടിച്ചു.
1-1 എന്ന നിലയിൽ തുടർന്ന മത്സരത്തിൽ മാഞ്ചസ്റ്റർ യുണൈറ്റഡ് ഇഞ്ച്വറി ടൈമിൽ ആണ് വിജയ ഗോൾ നേടിയത്. ലൂസിയ ഗാർസിയയുടെ വക ആയിരുന്നു ഗോൾ. 21 മത്സരങ്ങളിൽ മാഞ്ചസ്റ്റർ യുണൈറ്റഡ് 53 പോയിന്റുമായി രണ്ടാമത് നിലനിക്കുന്നു. 55 പോയിന്റുള്ള ചെൽസി ആണ് ഒന്നാമത്. ഇനി ഒരു മത്സരമെ ലീഗിൽ ബാക്കിയുള്ളൂ.
