മികച്ച ഫോമിൽ ഉള്ള മാഞ്ചസ്റ്റർ യുണൈറ്റഡ് സ്ട്രൈക്കർ റൊമേലു ലുകാകു ഈ രാജ്യാന്തര ഇടവേളയിൽ ബെൽജിയത്തിനായി കളിക്കില്ല. കാലിനേറ്റ പരിക്കാണ് ലുകാകുവിന് വിനയായിരിക്കുന്നത്. ഇന്ന് ബെൽജിയത്തിന്റെ ക്യാമ്പിൽ ലുകാകു എത്തിയിരുന്നു. എന്നാൽ സ്കാനിംഗിൽ പരിക്ക് പ്രശ്നമാണ് എന്ന് കണ്ടതിനെ തുടർന്ന് ലുകാകു ക്യാമ്പ് വിട്ടു.
റഷ്യയ്ക്കും സൈപ്രസിനും എതിരെ ആയിരുന്നു ബെൽജിയം ഈ ആഴ്ച കളിക്കേണ്ടത്‌. ഈ രണ്ടു മത്സരങ്ങളിലും ലുകാകു കളിക്കില്ല. കഴിഞ്ഞ ആഴ്ച നടന്ന എഫ് എ കപ്പ് ക്വാർട്ടർ മത്സരത്തിൽ യുണൈറ്റഡിന് വേണ്ടിയും ലുകാകു കളിച്ചിരുന്നില്ല.
അവസാന നാലു മത്സരങ്ങളിൽ നിന്ന് ആറു ഗോളുകൾ നേടിയ ലുകാകു മികച്ച ഫോമിൽ കളിക്കുന്നതിനിടെയാണ് പരിക്കേറ്റിരിക്കുന്നത്.
