ഫ്രാൻസിൽ ഗോളടി നിർത്താൻ എമ്പപ്പെയ്ക്ക് ആകുന്നില്ല. ഇന്ന് ഫ്രഞ്ച് ലീഗിൽ നടന്ന പോരിലും എമ്പപ്പെ തന്നെ ആയിരുന്നു പി എസ് ജിയെ ഒറ്റയ്ക്ക് തോളിലേറ്റിയത്. ഇന്ന് കയേനെ നേരിട്ട പി എസ് ജി ഒന്നിനെതിരെ രണ്ടു ഗോളുകളുടെ വിജയം സ്വന്തമാക്കിയപ്പോൾ രണ്ടു ഗോളുകളും എമ്പപ്പെയുടെ ബൂട്ടിൽ നിന്നായിരുന്നു പിറന്നത്.
രണ്ടാം പകുതിയിൽ ആയിരുന്നു എമ്പപ്പെയുടെ ഗോളുകൾ. 59ആം മിനുട്ടിലും 87ആം മിനുട്ടിലും എമ്പപ്പെ വല കുലുക്കി. ആദ്യ ഗോൾ പെനാൾട്ടിയിൽ നിന്നായിരുന്നു. എമ്പപ്പെ ഇതോടെ ഫ്രഞ്ച് ലീഗിൽ ഈ സീസണിൽ 24 ഗോളുകൾ ആയി. ആറ് അസിസ്റ്റുകളും എമ്പപ്പെയ്ക്ക് ഈ സീസണിൽ ഉണ്ട്.
ഈ വിജയത്തോടെ പി എസ് ജിക്ക് 26 മത്സരങ്ങളിൽ നിന്ന് 71 പോയന്റായി. ഇനി 16 പോയന്റു കൂടെ മതിയാകും പി എസ് ജിക്ക് ലീഗ് കിരീടം സ്വന്തമാക്കാൻ.
