ഫ്രഞ്ച് ലീഗിൽ പി എസ് ജി ഒന്നാം സ്ഥാനത്ത് തന്നെ തുടരും. ഇന്ന് നടന്ന മത്സരത്തിൽ ആംഗേർസിനെ ആണ് പി എസ് ജി പരാജയപ്പെടുത്തിയത്. എതിരില്ലാത്ത നാലു ഗോളുകൾക്കായിരുന്നു പി എസ് ജിയുടെ വിജയം. എമ്പപ്പെ, കവാനി എന്നിവർ ഇല്ലാത്തതിനാൽ ഇക്കാർഡി, നെയ്മർ എന്നിവരാണ് ഇന്ന് പി എസ് ജിക്കായി അറ്റാക്കിംഗ് നിരയിൽ ഇറങ്ങിയത്. ഇരുവരും ഗോൾ നേടുകയും ചെയ്തു.
കളിയുടെ തുടക്കത്തിൽ സരാബിയ ആണ് പി എസ് ജിയെ മുന്നിൽ എത്തിച്ചു. 13ആം മിനുട്ടിൽ ഹെരേരയുടെ പാസിൽ നിന്നായിരുന്നു സരാബിയയുടെ ഗോൾ. ആദ്യ പകുതിയിൽ തന്നെ സരാബിയുടെ പാസിൽ നിന്ന് ഇക്കാർഡി പി എസ് ജിയുടെ രണ്ടാം ഗോളും നേടി. രണ്ടാം പകുതിയിൽ ഇദിരിസ് ഗുയെയും നെയ്മറും ഗോൾ നേടിയതോടെ വിജയം പൂർത്തിയായി. ഇന്നത്തെ വിജയത്തോടെ 21 പോയന്റുമായി പി എസ് ജി ലീഗിൽ ഒന്നാമത് നിൽക്കുകയാണ്.
