ബോർഡോയുടെ പുതിയ പരിശീലകനായി സോസ

ഫ്രഞ്ച് ക്ലബ്ബ് ബോർഡോയുടെ പരിശീലകനായി പൗലോ സോസ ചുമതലയേറ്റു. ലീഗ് വണ്ണിൽ പതിമൂന്നാം സ്ഥാനത്ത് കിതയ്ക്കുന്ന ബോർഡോയ്ക്ക് മുൻ യുവന്റസ്, ഡോർട്ട്മുണ്ട് താരത്തിന്റെ വരവ് ഗുണം ചെയ്യും. മൂന്നര വർഷത്തെ കരാറിലാണ് ബോര്ഡോയിലേക്ക് സോസ എത്തുന്നത്. എ എസ് റോമയുടെ പരിശീലകനാവാൻ ഉയർന്നു കേട്ട പേരുകളിൽ ഒന്നാണ് മുൻ പോർച്ചുഗീസ് ഗോൾഡൻ ജനറേഷൻ താരത്തിന്റേത്.

റോമയുടെ പരിശീലകനായി റാനിയേരി സ്ഥാനമേറ്റതിനു പിന്നാലെയാണ് സോസ ഫ്രാൻസിലേക്ക് പറന്നത്. ബ്രസീലിയൻ പരിശീലകൻ റിക്കാർഡോ ഗോമസിനു പകരക്കാരനായാണ് സോസ എത്തുന്നത്. ഇതിനു മുൻപ് സ്വാൻസി, മേക്കബി ടെൽ- അവീവ്, ഫിയോറെന്റീന, ബെസെൽ എന്നി ടീമുകളെ സോസ പരിശീലിപ്പിച്ചിട്ടുണ്ട്. കന്നവാരോയ്ക്ക് പകരക്കാരനായി ചൈനീസ് സൂപ്പർ ലീഗ് ക്ലബായ ടൈയാൻജിൻ ക്വാൻജിനിലും പോർച്ചുഗീസ് റ്റാക്ട്ടീഷ്യൻ പരിശീലിപ്പിച്ചിരുന്നു.

Exit mobile version