പരിക്ക് മാറിയ പി എസ് ജി സൂപ്പർ താരം നെയ്മർ ജൂനിയർ തിരിച്ചെത്തുന്നു. ഈ ആഴ്ച്ച തന്നെ താരം പി എസ് ജി ക്ക് വേണ്ടി കളത്തിൽ തിരിച്ചെത്തും എന്നാണ് റിപ്പോർട്ടുകൾ. മൂന്ന് മാസത്തെ ഇടവേളക്ക് ശേഷമാണ് താരം വീണ്ടും പന്ത് തട്ടാൻ ഒരുങ്ങുന്നത്.
ജനുവരി 23 നാണ് താരം കാലിന് പരിക്ക് പറ്റി പുറത്ത് പോകുന്നത്. പക്ഷെ ഈ ആഴ്ച്ച മോണക്കോക്ക് എതിരെ താരം കളിക്കും എന്നാണ് റിപ്പോർട്ടുകൾ. ഈ മത്സരത്തിൽ ഒരു പോയിന്റ് നേടിയാൽ പി എസ് ജി ഫ്രാൻസിലെ ജേതാക്കളാകും. ലില്ലേക്കും നാന്റസിനും എതിരെ തുടർച്ചയായ 2 കളികളിൽ തോറ്റ പി എസ് ജി ഏറെ ആഗ്രഹിക്കുന്ന സമയത്താണ് സൂപ്പർ താരം തിരിച്ചെത്തുന്നത് എന്നത് അവർക്ക് ആശ്വാസമാകുന്ന ഒന്നാണ്. കിരീട ആഘോഷങ്ങളിൽ തിരിച്ചെത്തുന്നത് നെയ്മറിനും സന്തോഷം നൽകുമെന്ന് ഉറപ്പാണ്.
