ഫ്രഞ്ച് ലീഗ് വണ്ണിൽ കരുത്തരുടെ പോരാട്ടത്തിൽ ലില്ലെയെ ഒന്നിന് എതിരെ രണ്ടു ഗോളുകൾക്ക് തോൽപ്പിച്ചു ഒളിമ്പിക് മാഴ്സെ. ജയത്തോടെ പോയിന്റ് പട്ടികയിൽ പി.എസ്.ജിക്ക് ഒപ്പവും അവർ എത്തി. നിലവിൽ ഗോൾ വ്യത്യാസത്തിൽ മാത്രമാണ് മാഴ്സെ രണ്ടാമത് നിൽക്കുന്നത്. മാഴ്സെ ആധിപത്യം കണ്ട മത്സരത്തിൽ പക്ഷെ ഇസ്മാലിയുടെ ഗോളിൽ ലില്ലെയാണ് മുന്നിൽ എത്തിയത്.
26 മത്തെ മിനിറ്റിൽ സീസണിൽ ടീമിൽ എത്തിയ അലക്സിസ് സാഞ്ചസ് ചെങ്കിസ് ഉണ്ടറുടെ പാസിൽ നിന്നു മാഴ്സെക്ക് സമനില സമ്മാനിച്ചു. സീസണിൽ താരത്തിന്റെ നാലാം ഗോൾ ആയിരുന്നു ഇത്. രണ്ടാം പകുതിയിൽ സെയ്ദ് കൊലാസിനാകിന്റെ ഫ്രീകിക്കിൽ നിന്നു 61 മത്തെ മിനിറ്റിൽ ഗോൾ നേടിയ സാമുവൽ ഗിഗോറ്റ് മാഴ്സെക്ക് ജയം സമ്മാനിക്കുക ആയിരുന്നു. മാഴ്സെ ലീഗിൽ രണ്ടാമത് നിൽക്കുമ്പോൾ ലില്ലെ ആറാം സ്ഥാനത്ത് ആണ് നിലവിൽ.
