ലീഗ് വണ്ണിൽ പി.എസ്.ജിയെ തകർത്തു മൊണാക്കോ

ഫ്രഞ്ച് ലീഗ് വണ്ണിൽ പാരീസ് സെന്റ് ജർമ്മനു ഞെട്ടിക്കുന്ന തോൽവി. മൊണാക്കോ എതിരില്ലാത്ത മൂന്നു ഗോളുകൾക്ക് ആണ് പി.എസ്.ജിയെ സ്വന്തം മൈതാനത്ത് തോൽപ്പിച്ചത്. ലയണൽ മെസ്സി ഇല്ലായിരുന്നു എങ്കിലും എമ്പപ്പെ, നെയ്മർ എന്നിവർ അടക്കം കളിച്ചു എങ്കിലും പി.എസ്.ജി ഞെട്ടിക്കുന്ന തോൽവി വഴങ്ങി. പന്ത് കൈവശം വക്കുന്നതിൽ പി.എസ്.ജി ആധിപത്യം പാലിച്ചു എങ്കിലും കൂടുതൽ അവസരങ്ങൾ മൊണാക്കോ ആണ് സൃഷ്ടിച്ചത്.

Neymar Appeals For A Penalty Neymar Appeals For A Penalty 7uenzsr6whj21r2a0f0hn8rtd

മത്സരത്തിൽ 25 മത്തെ മിനിറ്റിൽ ഫൊഫാനയുടെ പാസിൽ നിന്നു ബെൻ യെഡർ മൊണാക്കോക്ക് ആദ്യ ഗോൾ സമ്മാനിച്ചു. തുടർന്ന് ഗോൾ തിരിച്ചടിക്കാൻ പാരീസ് ശ്രമങ്ങൾ ഉണ്ടായി. എന്നാൽ രണ്ടാം പകുതിയിൽ 68 മത്തെ മിനിറ്റിൽ അഗുലിയറിന്റെ പാസിൽ നിന്നു കെവിൻ വോളണ്ട് പാരീസിനെ വീണ്ടും ഞെട്ടിച്ചു. 84 മത്തെ മിനിറ്റിൽ കിമ്പപ്പെ വോളണ്ടിനെ വീഴ്ത്തിയതിനു ലഭിച്ച പെനാൽട്ടി ലക്ഷ്യം കണ്ട ബെൻ യെഡർ തന്റെ രണ്ടാം ഗോളും ടീമിന്റെ മൂന്നാം ഗോളും നേടി പാരീസിന് കനത്ത തോൽവി സമ്മാനിച്ചു. തോറ്റെങ്കിലും ലീഗിൽ പി.എസ്.ജി തന്നെയാണ് ഒന്നാമത് അതേസമയം മൊണാക്കോ ലീഗിൽ ഒമ്പതാം സ്ഥാനത്ത് ആണ്.